Ikaskuntzarako Testuinguru Berria (ITB)

La Salle, bizitzarako eskola

Gure eskola eredua: Ikaskuntzarako Testuinguru Berria (ITB)

Ikaskuntzarako Testuinguru Berria (ITB) esparru pedagogiko eta pastoral bat aurreikusten duen eskola-eredua da, identitate propioa duena, eta antolaketa, metodologia eta ebaluazio proposamen argia aurkezten duena, pertsonaren hezkuntzari zentzu osoa ematen diona, bere dimentsio emozionala, kognitiboa, gorputzekoa, soziala eta espirituala modu integralean landuz, bere garapenaren etapa guztietan. Ikaslea bere ikaskuntzaren protagonista bihurtzen da.

ITB gakoak

Berria

etengabeko eguneratze eta hobetze prozesuan dagoelako.

Testuingurua

nola ikasten den, ikasten dena bezain garrantzitsua edo garrantzitsuagoa delako.

Ikaskuntza

ereduaren erdigune gisa, ezagutzen dugun irakaskuntzaren aurrean.

Informazioa

Gaurko eskolari emandako erantzuna

Mundua aldatzen ari da, eta hezkuntza ezin da bizitzeko eta ezagutza eskuratzeko iraultza honetatik kanpo geratu. La Sallek erantzun bat eskaintzen dio gaurko eskolari, pertsonarengan eta bere talentuetan zentratuz, eta mundua eraldatzeko aukera emango dioten trebetasunak eta gaitasunak eskuratzen laguntzeko modua bilatuz.

Ikaslea, bere ikaskuntzaren erdigunea

ITBk pertsona proposatzen du irakaskuntza-ikaskuntza prozesuaren protagonista gisa, dimentsio emozionaletik, kognitibotik, gorputzekotik, sozialetik eta espiritualetik abiatuta.

ITB ereduaren funtsezko zutabeak

Esperientzia-eredua

Esperientzia esanguratsuak bizitzeak ezagutzak eskuratzea eta nortasuna eraikitzea ahalbidetzen du.

Irakaskuntza-ikaskuntza

Ikaslea bere hazkunde pertsonalaren protagonista da, etengabe hobetzen ari den eredu baten barruan.

Hezitzailearen figura

Hezitzailea bitartekaria da ikaskuntza-prozesuan, eta ikasleari bere bidean laguntzen dio.

Printzipio pedagogikoak

Printzipio pedagogikoak dira gure gidariak, gure proiektuaren oinarri eta zentzu-emaile direnak. Desberdintasuna markatzen dute eta gure hezkuntza-proposamenari balioa ematen diote, eta hura sostengatzen dute. Azken batez, Ikaskuntza Testuinguru Berriaren (ITB) funtsa dira, gaurko gizarteak eskatzen dizkigun behar berrien erantzun bakar gisa.

Ikaskuntza eremuak

Ikaskuntza-eremuak curriculuma modu integratzailean artikulatzeko aukera ematen duten eta elkarren artean konektatuta dauden ingurune didaktikoak dira, ikaskuntza hainbat begiradatatik eta testuinguru propioen bidez ziurtatuz, ezagutzaren errealitate berriak bere gain hartzen dituen eskola ahalbidetuz.

Ikerketa

ITB hausnarketa sakon baten emaitza da, gaur egun bizirik jarraitzen duena, Bartzelonako eta Madrilgo La Salleko unibertsitate campusetan diharduten taldeen etengabeko ikerketari eta ereduaren analisiari esker.

Material propioak

La Sallek Ikaskuntza Testuinguru Berria gauzatzen duten material propioak garatu ditu, hezkuntza integral baten alde eginez, ikaskuntza kooperatiboa, sormena eta ikuspegi solidarioa batzen dituena, eta gure printzipio pedagogikoetan oinarritzen dena.

Haur Hezkuntzarako informazioa

Lehen Hezkuntzarako informazioa