Educación Secundaria
Educar persoas en valores é a nosa misión
Obxectivos da etapa
- Poñer en práctica todo o aprendido ata o de agora e ampliar os coñecementos nas distintas disciplinas.
- Aplicar prácticas a procedementos de autonomía, planificación, esforzo e traballo persoal.
- Lograr que o alumno sexa protagonista do seu proceso de aprendizaxe, aprendendo de forma cooperativa.
- Potenciar momentos e actividades destinados a reflexión e experiencia arredor de actitudes persoais e grupais a través da relación titorial.
Novo Contexto de Aprendizaxe (NCA)
O Novo Contexto de Aprendizaxe (NCA), o modelo pedagóxico que aplica La Salle nas súas aulas de Educación Secundaria, revoluciona o proceso de aprendizaxe. Desde os principios pedagóxicos que vertebran esta proposta educativa, deséñanse distintos ámbitos de aprendizaxe que inciden no saber, o saber facer e o saber ser. A través das narrativas de aprendizaxe organízase a aula e favorécese que a persoa aprenda de maneira integral e integrada.
Máis sobre a etapa
Interioridade
A vida interior é importante, por iso preocupámonos de desenvolver a calidade humana que xunta espiritualidade e personalidade.
Mente, corpo e movimento
Os espazos e o movemento son esenciais no desenvolvemento cognitivo. Rompemos coa aula tradicional, potenciando a creatividade e a aprendizaxe.
Construción do pensamento
O pensamento é educable e a escola debe fomentar momentos de reflexión individual e colectiva.
Conduta e actividade autorregulada
O alumno xera hábitos de aprendizaxe autónoma e a escola axuda a construír procesos naturais e individuais de aprendizaxe como experiencia intransferible.
Dimensión social
Aprendemos a ser respectuosos cos demais e a enriquecernos participando nas prácticas sociais e culturais.
Ámbitos
Acollida
É o ámbito de experiencia que prepara ao alumno para o que vai vivir.
Seminario
É o ámbito onde se produce o encontro entre persoa e coñecemento, onde teñen cabida o contido curricular. É o espazo do SABER.
Obradoiro
É o ámbito no que o alumno se constrúe a si mesmo e é protagonista da súa aprendizaxe. É o espazo do SER.
Proxecto
É o ámbito onde os alumnos traballan transversalmente todos os principios NCA, aprendendo da experiencia. É o espazo do FACER.
Peche
É o momento da avaliación, a reflexión e a celebración do vivido.
Narrativas
As narrativas de aprendizaxe son unha forma de organizar a aula, o tempo e os contidos do currículo. Desta forma favorecemos a aprendizaxe integral e integrada.
As narrativas funcionan como funciona o noso mundo. Fronte aos esquemas ríxidos do pasado, nos que cada materia versaba sobre o seu, o mundo global no que vivimos esíxenos pensar en novos marcos interdisciplinares e interconectados para comprender as claves da nosa historia e o noso presente e poder así debuxar o futuro.
